Serikali ya Mapinduzi Zanzibar

KAMPENI YA “IMARISHA MABARAZA YA VIJANA ZANZIBAR”

UTANGULIZI

Kampeni ya Imarisha Mabaraza ya Vijana Zanzibar ni kampeni ya kuyasimamisha na kuyaimarisha Mabaraza ya Vijana Zanzibar kiutendaji. Kampeni hii imekuja baada ya Baraza la Vijana Zanzibar kupitia shughuli zake za kila siku kufanya ziara kwa Mabaraza ya Vijana Wilaya zote za Unguja na Pemba kuanzia tarehe 15 Oktoba 2024 hadi 06 Novemba 2024.

Miongoni mwa changamoto zilizobainika ni pamoja na Mabaraza ya Vijana kutokufanya kazi vizuri na kutokuwepo uongozi kamili katika baadhi ya ngazi. Hivyo, kampeni hii inalenga kuleta uhai kwa Mabaraza ya Vijana kwa kuhakikisha sauti zao zinasikika, changamoto zao zinatatuliwa, na mchango wao unatambuliwa.

LENGO KUU LA KAMPENI

• Kuleta uhai wa Mabaraza ya Vijana Zanzibar.

MUDA WA KAMPENI

Kampeni hii ni ya miaka mitatu (3) kuanzia tarehe 1 Januari 2025 hadi 31 Disemba 2027.

MALENGO MAHSUSI

• Kuyapa hadhi Mabaraza ya Vijana ili yatambulike katika jamii na taasisi.
• Kutatua changamoto za uongozi na mawasiliano ndani ya Mabaraza ya Vijana.
• Kukuza ushiriki wa vijana katika mabaraza na maamuzi ya kijamii, kisiasa, na kiuchumi.
• Kuwaelimisha vijana kuhusu haki na wajibu wao kwa Baraza.
• Kujenga uwezo na uongozi bora kwa vijana kupitia mafunzo.

MIKAKATI YA KAMPENI

• Baraza na Falsafa ya K5: Elimu juu ya malengo ya Baraza itatolewa kupitia falsafa hii.
• Kuongeza idadi ya wanachama: Kila Shehia itahamasishwa kujiunga angalau mwanachama mmoja mpya kwa mwezi.
• Kutoa zawadi: Kwa mabaraza yatakayofanya vizuri katika uongozi na usajili wa wanachama.
• Vikao vya Wilaya na Shehia: Vifanyike mwisho wa mwezi ili kutoa elimu na kushughulikia changamoto.
• Mashirikiano na wadau: Kujenga ushirikiano na serikali, mashirika, na sekta binafsi.
• Kufuatilia na kutathmini: Kupitia ziara za mara kwa mara na tathmini za mabaraza.
• Kusajili kidijitali wanachama: Kujenga mfumo wa kusajili wanachama wa Baraza.
• Matumizi ya mitandao ya kijamii: Kuhamasisha matumizi ya mitandao kwa ajili ya shughuli za Baraza.
• Tuzo za mwaka: Kutambua mabaraza na wadau wanaofanya vizuri kila mwaka.
• Rasilimali na msaada: Kusaidia Mabaraza kwa utaalamu na fedha kulingana na mahitaji.

MATARAJIO

• Kufanya Mabaraza ya Vijana kutambulika na kuheshimiwa.
• Kufanikisha utekelezaji wa kazi kwa ufanisi zaidi.
• Kupata misaada ya kifedha na miradi mikubwa.
• Kuimarisha uwezo wa uongozi kwa vijana.
• Kuwepo kwa mashirikiano mazuri kuanzia ngazi ya Shehia hadi Taifa.
• Kuwepo kwa miradi ya vijana yenye tija kwa maendeleo ya Taifa.
• Kuleta ubunifu wa kweli miongoni mwa vijana.

HITIMISHO

Ni wakati sahihi sasa kuleta uhai wa Mabaraza ya Vijana Zanzibar ili kutimiza adhima ya Serikali ya Mapinduzi ya Zanzibar. Baraza la Vijana litafanya mashirikiano na wadau mbali mbali ili kufanikisha malengo hayo. Kampeni hii itakuwa kiungo muhimu kwa Mabaraza ya Vijana ngazi ya Shehia, Wilaya, na Taifa.